Сите знаеме дека забите треба да се мијат најмалку два пати дневно, но дали сте знаеле дека постојат моменти кога не е добро веднаш да ги миете? Иако звучи чудно, понекогаш четката и пастата можат да направат повеќе штета отколку да бидат корисни. Во овој блог ќе зборуваме за тоа кога и зошто треба да почекате пред да ги измиете забите.

1. По јадење кисела храна или газиран пијалок

Кога јадете нешто кисело како лимон, портокал или други видови на кисело овошје или зеленчук, или конзумирате газирани пијалоци – киселината го омекнува емајлот (заштитниот слој) на забите.

Ако веднаш потоа почнете да четкате, всушност го тргате омекнатиот слој на емајлот, што со тек на време може да доведе до чувствителност и оштетување, како на емајлот, така и на забот.

👉 Совет: Почекајте најмалку 30 минути после конзумирање на кисела храна или пијалок пред четкање. Во меѓувреме можете да исплакнете со вода за неутрализација на киселината.

2. Веднаш после повраќање

Киселината од желудникот е уште посилна од онаа во храната. Ако веднаш ги измиете забите после повраќање, можете да го истругате емајлот што веќе е ослабен.

👉 Исплакнете само со вода или со раствор од сода бикарбона и почекајте околу еден час пред четкање

3. По консумирање на алкохол или енергетски пијалоци

Алкохолот и енергетските пијалоци содржат киселини и шеќери кои исто така го оштетуваат емајлот.

👉 Исплакнете со вода и почекајте 20–30 минути пред четкање.

4. Ако имате свежа рана на непцата или после хируршка интервенција

По екстракција (вадење) на заб, поставување на имплант или друг хируршки зафат, треба да избегнувате четкање на тоа место најмалку 24 часа, бидејќи може да се наруши процесот на заздравување.

👉 Следете ги упатствата од вашиот стоматолог за нежно чистење и испирање.

Заклучок

Иако миeњето на забите е неопходен дел од секојдневната хигиена, времето кога го правите е исто толку важно. Почекајте кога е потребно, користете мека четка и нежни движења. Вашиот емајл ќе ви биде благодарен, а насмевката ќе остане здрава и сјајна.

The post Кога не треба да ги миете забите? appeared first on ПЗУ Др. Доневски.

1. Раното откривање спречува скапи третмани

Проблемите како плиток кариес, заболување на непцата или напукнати пломби често започнуваат како мали пукнатини. Кога се откриваат навреме за време на преглед, можат да се решат со едноставни и прифатливи третмани. Ако се игнорираат, преминуваат во заболување на коренските канали, потреба за порцелански навлаки или дури вадење заби, процедури кои чинат многу повеќе.

👉 Пример: Плиток кариес чини многу помалку да се пломбира, отколку подоцна да се прави порцеланска навлака или да се вгради имплант.

2. Професионалното чистење спречува проблеми

Дури и со одлично миење на забите и употреба на забен конец, наслагите и забниот камен можат да се натрупаат на тешко достапни места. Професионалното чистење за време на преглед помага да се спречат заболувања на непцата, лош здив и кариес, состојби кои чинат многу повеќе за лекување ако се развијат.

3. Заболувањето на непцата влијае на целокупното здравје (и на трошоците)

Истражувањата покажуваат дека заболувањето на непцата е поврзано со срцеви болести, дијабетес, дури и компликации при бременост. Спречувањето на проблемите со непцата преку редовни посети не само што ја штити вашата насмевка, туку и може да ги намали медицинските трошоци на долг рок.

4. Избегнете итни стоматолошки случаи

Забоболки, инфекции или скршени заби често се појавуваат ненадејно- а тие не се само болни, туку и скапи за итно решавање. Рутинските прегледи помагаат да се откријат ризици пред да се претворат во ноќни итни случаи.

5. Долгорочна инвестиција во вашата насмевка

Забите се наменети да траат цел живот. Инвестирањето во превентивна грижа преку редовни стоматолошки посети значи дека ќе трошите помалку на сложени реставрации во иднина. Замислете го тоа како одржување на автомобил: малите сервиси го чуваат во функција и спречуваат големи дефекти.

Заклучок

Прескокнувањето на стоматолошки преглед може да заштеди малку пари денес, но често доведува до многу поголеми трошоци утре. Со редовни прегледи кај вашиот стоматолог (2 пати годишно), го штитите Вашето орално здравје, избегнувате болни итни случаи и ги контролирате трошоците на долг рок.

👉 Закажете го вашиот следен стоматолошки преглед уште денес- Вашата насмевка и Вашиот паричник ќе Ви бидат благодарни.

The post Зошто редовните стоматолошки прегледи ви заштедуваат пари на долг рок appeared first on ПЗУ Др. Доневски.

Кога умниците создаваат проблеми, логично прашање е: „Да ги извадам ли сите четири одеднаш?“ Во повеќето случаи, постепеното вадење, еден умник по посета, е побезбедно и поудобно. Во овој блог ќе објасниме зошто.

Полесно и побрзо заздравување

Кога се вади еден умник, организмот се фокусира на една рана. Тоа значи помал оток, помал дискомфорт и побрза регенерација на непцето. Вадењето на повеќе умници во една сеанса остава повеќе рани истовремено, што го забавува заздравувањето.

Намален ризик од компликации

Секоја хируршка интервенција носи ризик (крварење, воспаление, сув алвеолитис). Со една екстракција по посета, стоматологот полесно ги следи симптомите и благовремено реагира. Кај повеќекратни екстракции одеднаш, ризиците и интензитетот на симптомите се зголемуваат.

Полесна контрола на болката

По една екстракција, болката е локализирана и најчесто се смирува со стандардни аналгетици. Ако се извадат 2–4 умници одеднаш, болката е на повеќе локации, може да влијае на сонот, внесот на храна и течности и бара посложен режим на лекови.

Подобра орална хигиена

Чистата рана заздравува побрзо. Со една рана е полесно да се одржува хигиена (меко четкање на останатите региони, внимателно плакнење со препорачани раствори), отколку со рани на двете страни на устата.

Психолошка удобност

Стравот од стоматолог е чест. Постепениот пристап го намалува стресот, ја зголемува соработката и придржувањето кон препораките, што директно влијае на подобар исход.

Кога се прави повеќекратно вадење?

Вадење на повеќе заби во една сеанса се врши ретко, под одредени услови

• Кога се планира процедура под општа анестезија.
• Како дел од ортодонтски план со јасни индикации.
• Кога сите умници предизвикуваат акутни или повторливи проблеми.

Одлуката е индивидуална и се носи по клинички преглед и панорамска снимка.

Подгответе се за безбеден преглед

За индивидуален план и безбедна екстракција на умник или на било кој друг заб, закажете го Вашиот преглед денес во ПЗУ д-р Доневски и ние ќе процениме која стратегија е најсоодветна за вас.

ПЗУ д-р Доневски

© 2025 ПЗУ д-р Доневски.

The post Зошто да вадиме само еден умник во една посета, а не сите одеднаш? appeared first on ПЗУ Др. Доневски.

Многу пациенти имаат страв од стоматолог (дентофобија) и бараат начин да се смират пред да дојдат на закажаниот термин. Многумина од нас имаме страв од стоматолог поради некое искуство кое сме го имале на стоматолог во детството и тој настан создава нелагодност кај нас. Ние, како стоматолози, правиме се што можеме нашите пациенти да се чувствуваат удобно пред, за време или после рутинска интервенција или потешка операција, со тоа што зборуваме со нив, смирувајќи ги и кажувајќи им дека целата процедура е безболна.

Да бидеме искрени, ретко кој ужива да оди на стоматолог. Стравот од стоматолог е многу чест, и ние сакаме да ви појасниме: тоа е сосема нормално, и уште поважно- можеме да го надминеме заедно.
Без разлика дали стравот доаѓа од лошо претходно искуство, страв од болка или од нешто друго, еве неколку едноставни совети за да се чувствувате поопуштено пред и за време на вашата следна посета.

1. Разговарајте со вашиот стоматолог (навистина!)

Првиот и најважен чекор е отворената комуникација. Кажете ни дека се чувствувате анксиозно- нема да го сфатиме лично. Всушност, тоа ни помага да го прилагодиме нашиот пристап. Можеме да ви објасниме сè чекор по чекор, да работиме поблаго и да ви дадеме паузи кога ви се потребни.

2. Закажете го терминот внимателно

Ако ви е помалку стресно наутро, закажете термин рано. Така нема да поминете цел ден размислувајќи и зголемувајќи ја анксиозноста. Изберете време кога не сте во брзање и нема да бидете преоптоварени.

3. Донесете нешто што ќе ви одвлече внимание

Музиката може многу да помогне. Донесете слушалки и слушајте ја омилената плејлиста или некои смирувачки звуци. Некои пациенти носат и антистрес топчиња додека седат на столчето, па така, можете да го примените и ова решение.

4. Обидете се со техники за опуштање

Длабоко дишење, медитација или визуелизација можат да ви помогнат да се смирите. Вежбајте дишење: вдишете длабоко низ носот броејќи до четири, задржете неколку секунди, па издишете полека низ устата.

5. Почнете со нешто лесно

Ако одамна не сте биле на стоматолог, започнете со нешто едноставно, како преглед или чистење на забен камен и полирање на забите. Полека вратете се во редовна нега, а ние ќе бидеме со вас на секој чекор.

6. Фокусирајте се на придобивките

Обидете се да ја промените перспективата. Размислете за посетата кај нас како инвестиција во вашето здравје, самодоверба и удобност. Здравата насмевка не е само естетика, таа е клучна за вашата целокупна добросостојба.

Ние сме тука да ви помогнеме, не да ве осудуваме

Без разлика колку време поминало од вашата последна посета, или каква е состојбата со вашите заби, ние сме тука да ве поддржиме. Нашата цел е да се чувствувате безбедно, разбрано и охрабрено да се грижите за вашето орално здравје.
Ако се чувствувате вознемирено во врска со Вашата следна посета, слободно јавете се. Ќе направиме план кој ќе ви одговара и ќе ве опушти.

Вие го можете тоа, а ние сме тука да ви помогнеме.

The post Како да го надминете стравот од стоматолог: Совети од вашиот стоматолог appeared first on ПЗУ Др. Доневски.

Паѓањето на млечен заб е важен момент во животот на секое дете. Но дали знаевте дека начинот на кој го одбележуваме тој настан се разликува од едно до друго место на земјината топка? Иако самовилата за заби е популарна на “Запад”, многу култури низ светот имаат свои уникатни обичаи: со глувчиња, птици, сонцето, па дури и кокошки кои играат магични улоги. Ајде да направиме едно патување низ светот и да ги истражиме овие традиции, вклучувајќи ги и омилените обичаи од Македонија и Балканот.

🇲🇰 Македонија: Фрлање на забот на покривот

Во Македонија, кога дете ќе изгуби млечен заб, традиционално го фрла на покривот додека изговара стихотворба. Често бара од некое врапче, да му донесе нов, посилен заб. Оваа симболична традиција има корени во народните верувања.

🇷🇸 🇧🇦 🇭🇷 🇲🇪 🇦🇱 🇬🇷 🇧🇬

Балкан: Заеднички обичај

Слични обичаи постојат и во Србија, Босна и Херцеговина, Хрватска, Црна Гора, Албанија, Грција, Бугарија. Децата ги фрлаат млечните заби на покривот и бараат нов, поубав заб. На Балканот, често се вели: „Глувче, глувче, земи го овој заб и донеси ми нов!“, повикувајќи магично глувче да ја преземе улогата на самовилата.

🇺🇸 🇬🇧 САД и Велика Британија: Класичната самовила за заби

Во многу земји од англиско јазично подрачје, децата го ставаат млечноот заб под перница навечер. Додека спијат, самовилата доаѓа, го зема забот и остава мал подарок или пари. Овој обичај е популаризиран во 20-тиот век и сè уште е омилен кај децата.

🇪🇸 🇧🇷 🇦🇷 🇨🇱 Шпанија и Латинска Америка: El Raton Perez

Во Шпанија и голем дел од Латинска Америка, малото глувче по име El Raton Perez ги собира забите на децата. Тој тивко влегува во собата, го зема забот и остава паричка или подарок. Во Мадрид постои дури и музеј посветен на него!

🇫🇷 Франција: La Petite Souris (Малото Глувче)

Французите исто така имаат глувче кое собира млечни заби, познато како La Petite Souris. Тоа тивко доаѓа во текот на ноќта и го заменува забот со мал подарок.

🇯🇵 🇨🇳 Јапонија и Кина: Фрлање горе-долу

Во Јапонија и Кина, млечните заби од долната вилица се фрлаат на покривот, а млечните заби од горната вилица– долу на земјата. Се верува дека на тој начин новиот заб ќе расте право, во правилна насока. Понекогаш додека фрлаат, искажуваат желби за здрави и силни заби.

🇰🇷 Јужна Кореја: Желба до среќната чавка

Корејските деца ги фрлаат млечните заби на покривот и бараат од чавка (која се смета за носител на среќа) да им донесе силен нов заб.

🇻🇳 Виетнам: Песнички и желби

Во Виетнам, децата ги фрлаат забите додека рецитираат песнички со рима. Горни заби под куќата, долни – на покривот. Песничката има за цел да помогне новите заби да растат здраво.

🇹🇷 Турција: Закопување за иднината

Во Турција, забот често се закопува на симболично место. Родителите можат да го закопаат близу училиште, болница или џамија, во зависност од тоа каква иднина посакуваат за своето дете.

🇪🇬 Египет: Подарок за сонцето

Египетските деца ги фрлаат млечните заби кон сонцето и бараат нов, посилен заб. Овој древен обичај има корени во почитувањето на сонцето како извор на живот.

🇳🇬 Нигерија: Кокошки и заби

Во некои делови од Нигерија, децата ги закопуваат млечните заби близу кокошарник. Се верува дека кокошките ќе помогнат новите заби да пораснат силни—уникатен спој на обичај и околина.

🇮🇹 Италија: Глувчиња и магија

Италијанските деца веруваат или во самовилата или во Тополино—магично глувче кое собира млечни заби под перницата и остава подарок.

Заклучок

Без разлика дали забот се фрла на покрив, се закопува покрај кокошки, или се заменува со подарок од самовила или глувче, секој народ има свој прекрасен начин да го претвори овој мал настан во голема магија. Овие обичаи не само што го одбележуваат растењето, туку создаваат спомени што траат цел живот.

Ние во ПЗУ д-р Доневски сме тука да ја слушнеме Вашата приказна и Вашето искуство со вадење на млечните заби. Без разлика на традицијата, ние сме тука за да се погрижиме вашите нови заби да бидат здрави и силни.

The post Мал заб, големи навики: Како различни култури се простуваат со детските млечни заби appeared first on ПЗУ Др. Доневски.

Дали кариесот е генетски предиспонирана состојба?

Иако лошата орална хигиена е главната причина за кариес, генетиката може да влијае на формата на вашите заби, длабочината на фисурите (вдлабнатините) на моларите и составот на емајлот. На пример:

Форма и положба на забите: Заглавени или преклопени заби може да бидат потешки за чистење, што го зголемува ризикот од кариес.

Јачина на емајлот: Генетиката влијае на дебелината и издржливоста на емајлот. Слаб емајл ги прави забите почувствителни на распаѓање.

Како да справите со оваа ситуација? Редовни посети на стоматолог, редовно чистење на забен камен (еднаш до два пати годишно), може да помогнат во заштитата на забите кои се генетски чувствителни.

Пародонтална болест и семејна историја

Пародонталната болест, или болест на непцата, има силна генетска компонента. Ако вашите родители или браќа и сестри имале проблеми со непцата, можно е и вие да бидете подложни на тоа, дури и со одлична орална хигиена. Генетиката може да влијае на вашиот имунолошки одговор, што ќе ве направи почувствителни на бактериски инфекции во непцата.

Како да се справите со овој проблем?

Практикувајте редовно четкање и користење конец за заби, посетувајте го стоматологот редовно за длабински чистења и размислете за проценка на здравјето на непцата ако во семејството постои историја на болести на непцата.

Генетски нарушувања кои влијаат на оралното здравје

Одредени наследни состојби можат значително да влијаат на вашето орално здравје:

Амалогенеза Имперфекта: Ретка состојба што предизвикува дефектен емајл, што води до промена на бојата и чувствителност на забите.

Дентиногенеза Имперфекта: Влијае на внатрешниот слој на забот (дентин), што ги прави забите кршливи и обезбоени.

Расцеп на усна и непце: Често наследна состојба која може да предизвика предизвици со положбата на забите и оралната хигиена.

Како да го решите ова?

Овие состојби бараат специјализирана нега, како што се ортодонтски третман на забите со поставување на фиксни протези или орална хирургија за одржување на функционалноста и естетиката.

Улогата на плунката и генетиката

Плунката е важна за неутрализирање на киселините и заштита од кариес. Генетските варијации можат да влијаат на количината и составот на плунката што ја произведувате. Намалениот проток на плунка може да го зголеми ризикот од кариес и болести на непцата.

Како до решение?

Хидрирајте се, користете производи кои ја стимулираат плунката и избегнувајте кофеин и алкохол.

Ризик од орален рак и генетика

Иако факторите како што се пушењето и консумирањето алкохол се главни причинители на оралниот рак, семејната историја на рак може да го зголеми вашиот ризик.

Што да направите?

Редовни прегледи за орален рак, особено ако имате семејна историја, избегнувајте пушење и ограничете го внесот на алкохол и одржувајте здрава исхрана богата со антиоксиданси.

Заклучок

Вашата генетска структура игра значајна улога на вашето орално здравје, но таа не мора да го одредува целосно. Со разбирање на вашата семејна историја и советување со вашиот стоматолог за развој на персонализиран план за нега, можете да намалите многу генетски ризици. Запомнете, добрата орална хигиена и редовните стоматолошки прегледи се ваша најдобра заштита од наследни стоматолошки проблеми.

Вашата насмевка можеби е обликувана од вашите гени, но грижата за неа е целосно во ваши раце!

The post Улогата на генетиката на Вашето орално здравје: Што треба да знаете? appeared first on ПЗУ Др. Доневски.

Зошто е важно да се грижиме за нашите заби?

Здравите заби не се само важни за вашата насмевка, туку имаат и големо влијание врз вашето целокупно здравје. Лошата орална хигиена може да доведе до различни здравствени проблеми, како што се срцеви болести, дијабетес и многу други. За да се избегнат овие сериозни состојби, важно е редовно да се грижите за вашата орална хигиена и редовно да го посетувате Вашиот стоматолог.

Како да го одржуваме здравјето на устата?

• Чистете ги забите два пати на ден – користете паста за заби која содржи флуор и четкајте ги забите најмалку две минути.

• Посетувајте стоматолог редовно – редовните прегледи и професионално чистење се важни за спречување на кариес, забен камен и наслаги на забите.

• Избегнувајте цигари и премногу шеќер – тие се поврзани со многу стоматолошки проблеми, вклучувајќи гингивитис и кариес.

ПЗУ д-р Доневски е тука за вас!

Како дел од глобалната прослава на Светскиот ден на здравјето, ние во ПЗУ д-р Доневски ја повторуваме важноста на превенцијата и грижата за оралното здравје. Нашиот тим е тука за да ви помогне да го одржите вашето здравје на највисоко ниво со редовни прегледи и персонализирани совети за одржување на здравјето на вашите заби.
Одржувајте ги вашите заби здрави и посетете не за бесплатен совет или преглед.
Среќен Светски ден на здравјето!

The post Светски ден на здравјето: Важноста на оралното здравје appeared first on ПЗУ Др. Доневски.

30 години насмевки, доверба и посветеност!

Оваа година со гордост и возбуда го славиме нашиот 30-годишен јубилеј! Три децении исполнети со напорна работа, посветеност и најважното – со вашите насмевки, кои се најголемата награда за нашиот труд.

Од нашите скромни почетоци на 08.03.1995 година, до денешниот ден, нашата цел секогаш била иста – да обезбедиме врвна стоматолошка грижа во пријатна и доверлива средина. Со текот на времето, не само што ја усовршувавме нашата работа и воведувавме нови технологии, туку и градевме искрени и долготрајни односи со вас, нашите верни пациенти.

Во текот на овие 30 години, низ нашата ординација поминаа илјадници пациенти – некои од нив дојдоа како деца, а сега ни ги доведуваат и своите семејства. Оваа доверба што ни ја укажавте е нашата најголема мотивација да продолжиме со уште поголема посветеност.

Ви благодариме!

Без вас, ова патување немаше да биде возможно. Вашата поддршка, вашите препораки и вашата насмевка се она што нѐ води напред. Секој ден се трудиме да ви обезбедиме најдобра стоматолошка грижа, бидејќи вие го заслужувате најдоброто.

Исто така, да не ги заборавиме и сите наши соработници и партнери. Огромна благодарност и до вас. Вашата професионалност и соработка се многу важен дел од нашата работа. Без вас, немаше да бидеме онаму каде што сме денес.

Овој јубилеј го славиме со многу радост, но и со амбиција за иднината. Продолжуваме да растеме, да се усовршуваме и да ви нудиме уште подобри услуги, со иста љубов и посветеност како првиот ден.

Ви благодариме што сте дел од нашата приказна! Со нетрпение очекуваме уште многу години исполнети со здрави, среќни насмевки!

Со благодарност,
Тимот на ПЗУ д-р Доневски

The post 30 години ПЗУ д-р Доневски appeared first on ПЗУ Др. Доневски.

Што е воспаление на непцата?

Воспаление на непцата настанува кога плак (леплив филм од бактерии) се акумулира по линијата на непцата. Ако не се отстрани преку редовно чистење и користење на конец, плакот се претвора во забен камен, што доведува до воспаление на непцата. Оваа состојба напредува во два стадиума:

1. Гингивитис: Најраната фаза, која се карактеризира со црвенило, отекување и крвавење на непцата. Може да се врати во нормала со соодветна грижа.
2. Пародонтитис: Напредна фаза каде непцата се одвојуваат од забите, создавајќи дупки кои ги заробуваат бактериите. Ова може да доведе до губење на коска и заби.

Зошто воспалението на непцата е опасно?

Игнорирањето на воспалението на непцата може да има сериозни последици, вклучувајќи:

1. Губење на заби: Со текот на времето, воспалението на непцата ги уништува ткивата и коските кои ги поддржуваат забите, што доведува до нивно опуштање или паѓање.
2. Хронични инфекции: Инфекциите на непцата можат да се шират на други делови од телото, зголемувајќи го ризикот од здравствени проблеми.
3. Поврзаност со системски здравствени проблеми: Истражувањата покажуваат дека воспалението на непцата е поврзано со состојби како срцеви заболувања, дијабетес и дури Алцхајмерова болест.
4. Лош здив и естетски проблеми: Инфицираните непца често доведуваат до траен лош здив, повлекување на непцата и непријатни празнини.

Знаци кои никогаш не треба да се игнорираат

Еве некои клучни симптоми на болеста на непцата на кои треба да обрнете внимание:

Отечени, црвени непца

Крвавење при чистење на заби или користење конец

Перзистентен лош здив

Повлекување на непцата или изглед на подолги заби

Спуштени заби или промени во поставеноста на забите

Ако забележите некои од овие знаци, веднаш закажете преглед кај Вашиот стоматолог.

Како да се лекува воспалението на непцата?

Среќа е тоа што воспалението на непцата може да се лекува и контролира со навремена интервенција. Опциите за лекување вклучуваат:

1. Професионално чистење: Редовното чистење на забен го спречува понатамошното ширење на воспалението на непцето.
2. Лекови: Антимикробни орални води, антибиотици или гелови можат да се препишат за контрола на инфекцијата.
3. Хирургија: Во сериозни случаи, може да се потребни процедури како хирургија на флапови или трансплантација на коска за обнова на здравјето на непцата и коската.

Превенција на болеста на непцата

Најдобриот начин да се избегне воспалението на непцата е да се одржува одлична орална хигиена:

Чистете ги забите два пати на ден со паста за заби.

Користете конец секој ден за отстранување на плакот меѓу забите.

Посетувајте редовно стоматолог за чистење на забен камен и контролни прегледи.

Избегнувајте пушење, бидејќи тоа значително го зголемува ризикот од воспаление на непцата.

Заклучок

Воспалението на непцата може да започне тивко, но доколку се игнорира, ефектите можат да бидат разорни. Со препознавање на знаците на време и со барање професионално лекување, можете да ги заштитите не само своите заби туку и своето општо здравје. Не чекајте, здравите непца се темел на здрав живот.

Делувајте веднаш! Закажете го Вашиот стоматолошки преглед за да осигурите дека вашите непца се во одлична форма.

The post Знаци на воспаление на непцето и начин на лекување appeared first on ПЗУ Др. Доневски.

Разбирање на влијанијата на стареењето врз оралното здравје

Со стареењето, нашите тела поминуваат низ различни физиолошки промени кои можат да влијаат на нашето орално здравје. Овие промени можат да вклучуваат:

1. Абразија (“Трошење”) на забите 

Со тек на време, забите можат да се “истрошат”, може да предизвикаат проблеми како преосетливост и зголемен ризик за појава на други проблеми, како ронење, распаѓање и трулење.

2. Повлекување на гингивата:

Додека старееме, гингивата може да се повлече, соголувајќи ги корените на забите и правејќи ги подложни на расипување и осетливост.

3. Сува уста:  

Многу луѓе во позрели години имаат проблем со сува уста, што може да биде резултат на одредени медицински состојби или долготрајно користење на одредени лекови. Намаленото количество на плунка може да допринесе за поголем ризик од кариес и непријатности.

4. Зголемен ризик од орални болести:

Повозрасните пациенти можат да бидат поподложни на состојби како болести на гингива, орален канцер и други проблеми со оралното здравје, што ги прави редовните стоматолошки прегледи посебно важни.

Совети за одржување на Оралното здравје во позрела возраст!

Иако се природни промените што се случуваат при процесот на стареење, има неколку активни чекори што повозрасните пациенти можат да ги преземат за да го одржат своето орално здравје и да уживаат во сјајна насмевка во годините што претстојат:

1. Редовни стоматолошки прегледи: Редовна посета на избраниот стоматолог е од суштинско значење за одржување на оралното здравје и за адресирање на било какви проблеми што можат да се појават.
2. Дневна орална нега: Воспоставување на вообичаена рутина за орална хигиена, четкање (барем) два пати на ден и користење на дентален конец или интердентални четки, е клучно за спречување на воспаление на непцата.
3. Справување со проблем на сува уста: Ако сува уста е проблем со кој се соочувате, разговарајте со вашиот стоматолог за потенцијални решенија, како што се средства за плакнење на уста и други производи наменети за олеснување на симптомите на сува уста.
4. Здрава и избалансирана исхрана: Конзумирање на избалансирана храна богата со основни хранливи материи, особено калциум и витамин D, може да помогне во поддршка на здравите заби и непца.
5. Избегнување на тутун, тутунски производи и употреба на алкохол: Употребата на тутун, производи од тутун и претераната конзумација на алкохол можат значително да влијаат на оралното здравје, затоа е важно да се намали нивната употреба или истите целосно да се исфрлат од употреба.

Заклучок

Додека ја изминуваме патеката на стареењето, нашето орално здравје како и целокупното здравје добива поголем приоритет. Со разбирање на влијанијата на процесот на стареење врз оралното здравје и спроведување на активни практики за орална грижа и нега, повозрасните пациенти можат да продолжат да уживаат во здрава насмевка без оглед на годините.  Запомнете, Вашиот стоматолог е Вашиот партнер во одржувањето на оралното здравје, затоа не се колебајте да ја побарате неговата помош за унапредување на Вашето здравје. Се надеваме дека овој блог Ви посочи корисни идеи за значењето на одржувањето на оралното здравје додека старееме. Ако имате било какви прашања или грижи, ве молиме не двоумете се да не контактирате. Ние сме тука да Ве поддржиме на секој чекор од вашиот пат кон оптималното орално здравје.

The post Како да ја задржите здравата насмевка со процесот на стареење? appeared first on ПЗУ Др. Доневски.