здрави заби – ПЗУ Др. Доневски

Здрава храна за здрави заби (2. дел)

Riste Donevski — Wed, 23 Feb 2022 15:45:58 +0000

Во продолжение на претходниот блог, ќе се осврнеме на здравата храна за Вашите заби, но овде ќе спомнеме и која храна не е толку добра за забите.

… Чај од камилица има антисептички и антивоспалителни својства, а може да се употребува и за испирање на устата после екстракција на заби или операции на заби.

Портокал, ананас и лимон: Овие тропски овошја кои се преполни со Витамин Ц го зголемуваат лачењето на плунка, која ја испира храната и спречува создавање на дамки на забите.

Јаткасти плодови – Сите јаткасти плодови се богати со витамини, минерали, калциум, калиум и цинк, а тоа се компоненти кои позитивно влијаат на здравјето на забите

Оние производи што не се толку добри и што треба да ги избегнувате за Вашите заби да бидат здрави се:

Производи кои содржат скроб – Чипсот, белиот леб, пицата, пастите и хамбургерот се нездрави. Делови од оваа храна се задржуваат помеѓу Вашите заби. Овие остатоци брзо се претвораат во шеќер кој ја оштетува глеѓта на забите.

Газирани и енергетски пијалоци – Содржат шеќери и со нивна консумација можат да настанат бројни болести на забите.

Суво овошје – Содржи концентриран шеќер и се лепи за забите. Тој шеќер се разградува и се развиваат бактерии во устата кои доведуваат до оштетување на забната глеѓ.

Без разлика на тоа што стоматологијата е напредната во поново време и постојат разни начини за подобрување на изгледот и здравјето на Вашите заби како што се вградување на забни импланти, фиксни протези, чистење на забен камен итн, Ви советуваме да бидете одговорни за Вашето орално здравје, бидејќи здравата насмевка е најубава насмевка.

The post Здрава храна за здрави заби (2. дел) appeared first on ПЗУ Др. Доневски.

Здрава храна за здрави заби (1. дел)

Riste Donevski — Fri, 11 Feb 2022 22:34:15 +0000

Знаеме дека нездравата храна делува лошо, не само за нашето тело, туку и за нашите заби. Но, дали постојат производи кои помагаат во одржувањето на здравјето на нашите заби? Дали постои нешто што не само ги чува, туку и делува нашите заби да изгледаат поубаво и поздраво? Секако дека да.

Правилната исхрана во голема мерка може да го спречи настанувањето на разни болести на забите и да допринесе Вашите заби да изгледаат бели и да бидат убави. Исто така, превентивната посета на стоматолог е секогаш добра одлука, но постојана грижа за Вашите заби е неопходна, бидејќи не секогаш можете да имате надзор од стоматолог.

Природни “чистачи” на забите се сите оние производи што со своите абразивни или хемиски својства придонесуваат за здрави заби, зајакнување или чистење на забите и гингивата.

Овошја, зеленчуци и намирници кои ќе помогнат Вашите заби да бидат здрави и бели…

Јаболко: Заради содржината и нивната структура, јаболката делуваат како четка за заби. Во тек на џвакање на јаболко, во усната шуплина се ствара плунка кој ги чисти забите и гингивата од бактерии. Јаболката исто така можат да помогнат и при лош и непријатен здив.

Јагоди и грозје: Овие видови на овошје изобилуваат со овошни киселини, заради кои Вашите заби ќе бидат побели и посјајни, а исто така спречуваат и настанување на дамки на забите.

Морков: Ги неутрализира бактериите во устата, а е преполн со витамини кои влијаат на целокупното здравје на организмот.

Зелен и црн чај: Овие два вида на чај не спречуваат само многу болести, туку и благодарение на нивниот состав го намалуваат ризикот од кариес и имаат антибактериско својство на Вашите заби, така што го елиминираат лошиот здив.

Сок од калинка

Сок од брусница или калинка: Содржат многу Витамин Ц, но и многу други витамини. Можат да спречат воспаленија на гингивата бидејќи ја штитат од бактерии. Се препорачува да се консумираат без шеќер.

Сок од брусница

Вториот дел од нашиот блог за здрава храна прочитајте го овде.

The post Здрава храна за здрави заби (1. дел) appeared first on ПЗУ Др. Доневски.

Добро орално здравје, добро целокупно здравје

Riste Donevski — Mon, 02 Mar 2020 21:27:12 +0000

Оралното здравје е витален дел од целокупното здравје. Истражувањата покажаа дека луѓето со послабо орално здравје (воспалена гингива или изгубени повеќе заби) имаат поголем ризик од кардиоваскуларни заболувања како срцев удар, а исто така и гастроинтестинални проблеми.

Здрави непца

Кај најголемиот број пациенти, гингивата е розева и мазна. Отечена, црвена гингива е лош и загрижувачки знак за вашето орално здравје. Одржувајте ја гингивата здрава со редовно миење на забите со четка, забен конец и редовни посети за чистење на забен камен.

Цврсти и здрави заби

Каква е состојбата на Вашите заби? Дали се доволно цврсти и здрави, без кариес или забен камен? Ако сте забележале промена на бојата на забот, или отечена гингива, тоа може да предизвика проблем и би требало да не’ контактирате за да ја провериме ситуацијата во устата.

Свеж здив

Дали сте забележале дека Вашиот здив мириса дури и ако повеќе пати ги миете Вашите заби во текот на денот? Тоа може да значи дека имате проблем со Забниот камен. Присуство на храна помеѓу забите, пушењето на цигари и пиењето на газирани сокови, е поврзано со присуство на лош здив. Одржувајте го Вашето орално здравје со редовно миење на забите, после миењето поминете ги со забен конец и редовно посетувајте не’ за чистење на забен камен.

Здрава гингива и орални ткива

Уште еден знак за добро орално здравје е здрава гингива и околни ткива. Редовно проверувајте ги образите, јазикот и гингивата дали се розеви и мазни. Никако немојте да игнорирате било какво црвенило или иритација на овие делови од устата, бидејќи тоа потенцијално може да води до сериозни проблеми. Заштитете ги забните ткива (гингива, образи, јазик) со тоа што ќе избегнувате прекумерно пушење на цигари или пиење на големо количество газирани сокови. Редовно одржувајте орална хигиена.

Ако забележите било кој од наведените проблеми во овој блог, контактирајте не’ и закажете термин.

The post Добро орално здравје, добро целокупно здравје appeared first on ПЗУ Др. Доневски.