Керамичка круна (навлака) се препорачува доколку на еден или повеќе заби постои губиток на забна супстанца, ако забот има променета боја или доколку забот е скршен. Потребно е да се направи забна круна која ќе го прекрие целиот заб, ќе му даде нова боја и цврстина. Постојат повеќе видови на круни, со метална подлога и на неметална подлога и се изработуваат во зависност од индикациите, потребите и желбите и можностите на пациентите. Безметалните, полни керамички круни се изработуваат најчесто во фронтална регија, каде што се добива прекрасен естетски ефект. Бојата се одредува во зависност од бојата на останатите заби. Транспарентноста на безметалните заби е прекрасна и воопшто не може да се препознае дека некој пациент има вештачки заби. Тие се биокомпатибилни, што значи убаво се прилагодуваат на непцето и не предизикуваат никакви воспаленија.
