Чистењето на забите е многу важно затоа што само со правилно одржување на оралната хигиена можеме да ги сочуваме нашите заби здрави и да им го продолжиме нивниот животен век.
Меките забни наслаги (забниот плак и биофилмот) во устата постојано се создаваат.
Ако не ги отстраниме навреме, тие се натрупуваат во слоеви и така стануваат опасни за забите и за гингивата.
Во устата е присутна голема количина на микроорганизми. Тие се потребни за одржување на бактериската флора во усната шуплина и на имунолошкиот систем. Тегобите настануваат кога овие организми во топла и влажна околина забрзано се размножуваат, притоа стварајќи киселини кои се штетни за забите.
Што е дентален плак, а што забен камен?
Дентален плак претставува наслаги од бактерии кои непрестано се таложат на површината на забите.
Насобраниот плак може да ги задржи сите нечистотии на забите, а воедно е и главна причина за проблеми со гингивата. Денталниот плак се јавува после 4 до 12 часа од јадењето, затоа е многу важно да се мијат забите 2 до 3 пати дневно, а исто така важна е и употребата на забен конец.
Забниот камен настанува со задебелување на забниот плак, после неправилно четкање на забите.
Тој може да содржи многу нечистотии на забите, а исто така, забите ја губат својата природно бела боја. Тој многу цврсто се припојува за забот и за негово отстранување треба да се обратите кај Вашиот стоматолог.
Забниот камен содржи големи количини на бактерии, кои создаваат многу киселини, што ја нарушува самата структура на забот и може да дојде до појава на кариес.
Подложноста на таложење на дентален плак и забен камен варира од пациент до пациент.
Како да се ослободиме од забен камен?
Создавањето на забен камен за жал не можеме да го спречиме, но со добра орална хигиена и редовни стоматолошки прегледи и со редовно отсртанување можеме во голема мерка да го држиме под контрола и да делуваме на брзината на неговото создавање.
За да го решите проблемот со забниот камен, нашиот предлог е да дојдете кај нас за да го исчистиме.
Чистење на забен камен
Чистењето на забен камен подразбира отстранување на сите наслаги на забите: камен, плак, но и пигментациите на забите кои можат да бидат присутни.
Иако ова е често тераписка процедура, сепак се смета дека е превентивен метод.
Еднаш кога е формиран забен камен и не е можно да се отстрани со четка, паста за заби или забен конец, тогаш е потребна посета на стоматолог.
Самата процедура на отстранување на забниот камен вклучува употреба на Ултразвук со вибрации, кои го кршат и распрскуваат забниот камен, сето тоа со употреба на локален анестетик во вид на спреј, и целата процедура е речиси безболна. Во поретки случаи кога забниот камен е продрен под вратот на забот, може да се употреби и инјекција како локален анестетик.
Доколку не се чисти забниот камен, може да дојде до појава на гингивитис ( воспаление на гингивата), пародонтопатија (расклатување на забите) и губење на забите.
После чистењето на забниот камен, забите се полираат со специјална паста и четка, за да се врати сјајот и убавината на самите заби.
